Ахсынньы ый 31 күнүгэр «Түмсүү» с/к Саҥа 2024 сылы уруйдаан бырааһынньыктааҕы дьоро киэһэ тэрилиннэ. Нэһилиэк Аҕа баһылыга Алексеев В. П. бырааһынньыктааҕы эҕэрдэтэ, сылын аайы үгэскэ кубулуйбут «Сыл бастыҥнара» лауреаттары чиэстээһин, наҕараадалааһын буолла. «Айыллан» норуот тыйаатырын туруоруутугар Айыыһыт сылынан «Мэник-мэнигийээн мүччүргэннээх сырыылара» бырааһынньыктааҕы театрализованнай дьүһүйүүнү көрдөрдүлэр. Үүммүт 2024 сылынан Тымныы оҕонньор, сиэнэ кыыс Хаарчаана, Саҥа Дьыл уолчаан эҕэрдэлээтилэр. 2024 сыл бэлиэтигэр маскарад күрэҕэр Стрекаловская Сардаана Иннокентьевна кыайыылаа5ынан тахсан Тымныы Моруос оҕонньортон бэлэх тутта. Түүн 1 ч «Саҥа Дьыл бэлэҕэ» сүүйүүлээх оонньуу бэрт көхтөөхтүк тэрилиннэ. Сүрүн бирииһи уу харчынан 20.000 солк В. П. Петрова сиэнэ Игорь сүүйдэ уо. д. а. сыаналаах бириистэри тутан сүүйбүт дьон үөрүүлэрэ үрдээтэ. Бырааһынньык Саҥа Дьыллааҕы уоттаах-күөстээх үҥкүүнэн түмүктэннэ.
