Ыам ыйын 26 күнүгэр «Түмсүү» норуот айымньытын киинигэр В. М. Прокопьев аатынан Тумул орто оскуолатын выпускниктарын олох киэҥ аартыгар атаарар «Тиһэх чуораан» бырааһынньыга тэрилиннэ. Оскуоланы 4 оҕо ситиһиилээхтик бүтэрдилэр, кылаас салайааччыта Барашкова Нюргуяна Коммунаровна. Ол курдук бааллар үөрэх бастыҥнара, олимпиадалар, научнай-практическай конференциялар кыттыылаахтара, призердара, кэскиллээх спортсменнар. Выпускниктары государственнай экзамеҥҥа киллэрии туһунан бирикээһи билиһиннэрдэ оскуола директора Петров Егор Дмитриевич. Оскуола выпускниктарын эҕэрдэлээтилэр, кэс тылларын тиэртилэр нэһилиэк баһылыгын эбээһинэһин толорооччу Копырин Константин Михайлович., Уус-Алдан улууһун баһылыгын солбуйааччыта Бурнашев Семен Семенович, Уус-Алдан улууһун үөрэҕин управлениятын начальнигын солбуйааччыта Григорьев Тимофей Афанасьевич. Тэрээһин үгэскэ кубулуйбут оһуохайынан түмүктэннэ. Оһуохайы таһаарда «Түмсүү» НАК уус-уран салайааччыта Петухова Лилиана Дмитриевна. Оскуоланы бүтэрэр выпускниктарбытыгар баҕарабыт биир кэлим экзаменнаргытын ситиһиилээхтик туттаран талан ылбыт үөрэххитигэр туттарсар киирэргитигэр.
