Муус устар 11 кунугэр В. М. Прокопьев аатынан Тумул орто оскуола-саада «Көмүс сваята» түһүүтүн үөрүүлээх тэрээһинэ ыытылынна. Анал площадкаҕа сарсыарда 11 ч нэһилиэк дьоно-сэргэтэ тоҕуоруһа муһуннулар. Бырааһынньык «Күндээр» оҕо үҥкүү ансаамбыл «Оһуор» үҥкүүтүнэн саҕаланна. Республикаттан, улуустан кэлбит ыалдьыттар ол иһигэр Уус-Алдан улууһун аҕа баһылыга Федотов А. В., Ил Түмэн мунньаҕын председателин бастакы солбуйааччы Жирков А. Н., Ил Түмэн депутата Васильев Г. А., Ил Түмэн мунньаҕын үөрэххэ, наукаҕа, культураҕа комитетын председателя Габышева Ф. В., ГКУ «СКЗ» генеральнай директорын солбуйааччы Черов М. Г, үөрэх министерствотыттан Иванова М. В., биир дойдулаахтарбыт Габышев А. И., Черкашин П. П., Алексеев П.С., уо. д. а. ыалдьыттары сахалыы сиэринэн алаадьынан, кымыһынан айах туттубут, алгыс тылынан аал уоппутун күндүлээтибит. Алгысчыт-Сокольникова А. С. Бастакы «Көмүс сваяны» түһэрдилэр Уус-Алдан улууһун аҕа баһылыга Федотов А. В., Ил Түмэн мунньаҕын председателин бастакы солбуйааччы Жирков А. Н., В. М Прокопьев аатынан Тумул орто оскуолатын директора Копырин К. М. Оскуола үөрэнээччилэрэ ырыанан, хоһоонунан эҕэрдэлээтилэр. Ыалдьыттар Кыайыы болуоссатыгар ветераннар ааттарыгар сибэкки дьөрбөтүн уурдулар.
