Муус устар 2 күнүгэр «Түмсүү» сынньалаҥ киинигэр V-с төгүлүн Ксения, Егор Черкашиннар сырдык кэриэстэригэр аһаҕас «Дьээбэ-Хообо» көр-күлүү киэһэтэ тэрилиннэ. Күрэххэ уопсайа 108 кыттааччы Эдьигээнтэн, Үөһэ-Бүлүүттэн Балаҕаннаах, Хоро, Далыр нэһилиэктэрэ, Бүлүүттэн, Ньурбаттан, Чурапчыттан, Амматтан, Уус-Алдантан Баатаҕай, Найахы Бээди, Дүпсээ, Суотту, Сыырдаах нэһилиэктэрэ, Намтан кыттыыны ыллылар. Дьүүллүүр сүбэҕэ үлэлээтилэр СР Культуратын туйгуна Петр Черкашин, нэһилиэк солбуйар баһылыга Протопопов М.С. уонна Хаҥалас улууһуттан «Барҕарыы» культура киинин уус-уран салайааччыта Кондакова Л.М. Күрэх муҥутуур кыайыылааҕынан Ньурбаттан «Айуу-чэ» көр-күлүү бөлөҕө, 1 ст. үрдэл Уус-Алдан улууһуттан Найахыттан «Көр-нар» бөлөх сал. Гаврильев Дь. В, 2 ст. үрдэл Уус-Алдан улууһуттан «Бэтэкэй бэтиэкэлэрэ» сал. Сухонина А. Е. 3 үрдэл Бүлүү улууһуттан Чинэкэ нэһилиэгиттэн «Бэтиэхэлээх бэртэрэ» көр-күлүү бөлөҕө. Маны таһынан күрэх кыттыылаахтарыгар анал ааттар олохтоннулар, өйдөбүнньүк бэлиэлэр, грамота үөрүүлээх-быһыыга майгыга туттарылынна . Күрэх кыайыылаахтарыгар Ксения, Егор Черкашиннар оҕолоро, сиэннэрэ, аймахтара олохтообут уу харчынан бириэмийэ, грамота, Егор, Ксения Черкашиннар мөссүөннээх өйдөбүнньүк бэлиэлэри олохтоотулар. Көр-күлүү киэһэтиттэн кыттааччылар, тэрийээччилэр астынан, дуоһуйан, махтанан, түмүккэ уопсай хаартысканан түһүүнэн тэрээһин түмүктэннэ.
