Ыам ыйын 25 күнүгэр Элэһин учаастагар сынньалаҥ киин дьиэтигэр үөрэх дьылын түмүктүүр «Тиһэх чуораан» дьоро күнэ тэрилиннэ. Оскуола-саады быйыл Алексеев Миша, Алексеев Афоня ситиһиилээхтик бүтэрдилэр, ону тэҥэ Стручкова Аделина оҕо саады түмүктээтэ. Үөрүүлээх тэрээһиҥҥэ Бороҕон нэһилиэгин баһылыгын эбээһинэһин толорооччу Копырин К. М., Тумул орто оскуолатын директора Петров Е. Д. эҕэрдэлээтилэр, выпускниктарга анаан махтал суруктары, өйдөбүнньүк бэлэхтэри туттардылар. Кылаас салайааччыта Алексеева М. А. үөрэппит оҕолоругар 4 сыллаах үлэлэрин, уруһуйдарын, ситиһиилэрин мунньан өйдөбүнньүк альбомнары бэлэх уунна. Детсад иитээччитэ Прибылых Ю. Д. иитиллээччитин Стручкова Аделинаны эҕэрдэлээтэ. Төрөппүттэр кылаас салайааччытыгар, оҕо саад иитэччитигэр махтанан туран махтал суруктары, өйдөбүнньүк бэлэхтэрин туттардылар.
