Алтынньы 15 күнүгэр Саха сиригэр күн күбэй Ийэ, Россияҕа амарах Аҕа күннэригэр биир дойдулаахпыт, ырыаһыт уолбут Василий Новоприезжий «Айанньыт тойуга» диэн саҥа таҥыллыбыт альбомун төрөөбүт дойдутугар кэлэн сүрэхтээтэ. Концертка кыттыыны ыллылар Кэскил Баишев, Катя Черкашина, DJ KRT, концеры иилээн-саҕалаан ыытта Дмитрий Баишев. Көрөөччүлэр астынан дуоһуйан ытыстарын тыаһын бэлэхтээтилэр. Олохтоохтор уолларыгар айар үлэтигэр ситиһиини баҕардылар, олохтоох администрация, «Түмсүү» с/к ааттарыттан өйдөбүнньүк бэлэхтэр, эҕэрдэ суруктар туттарылыннылар. Айар аартыгын арыллан истин, көрөөччү биһирэбилин ыла тур диэн алгыс тылларын анаатылар.
