Алтынньы 19 күнүгэр Үлэ сылын чэрчитинэн Мүрү нэһилиэгин «Умсулҕан» коллекционердарын түмсүүтүн кытта көрсүһүү буолла. Тэрээһиҥҥэ Бороҕон нэһилиэгин коллекционердара кыттыыны ыллылар, ыалдьыттары кытта билистилэр, опыт атастастылар, олохтоохторго үгүс сыл муспут коллекцияларын көрдөрдүлэр, кэпсээтилэр. Тэрээһиҥҥэ Бороҕон нэһилиэгин солбуйар баһылыга Протопопов М. С., улуустааҕы «Умсулҕан» коллекционердар түмсүүлэрин солбуйар председателя Федорова А. М., библиотекарь Прудецкая С. А., музей сал. Сокольникова А. С. кэлбит ыалдьыттарга үлэлэрин сырдаттылар, эҕэрдэ тыллары эттилэр. Коллекционердар төгүрүк остуол тула олорон санаа атастастылар, инники үлэни быһаарыстылар. «Көмүлүөк» 3 саас оскуолатын чилиэннэрэ ыалдьыттары итии үүттээх чээйинэн, минньигэс аһынан күндүлээтилэр. Тэрээһиҥҥэ педагогическай үлэ ветерана, коллекционер Алексеева Т. И. «Мунньуунан хайдах дьарыктаныахха сөбүй?» диэн маастар кылаас ыытта. Нэһилиэк олохтоохторо, оскуола оҕолоро коллекционердар выставкаларын сэргии, сөҕө-махтайа көрдүлэр.
