Кулун тутар 28 күнүгэр «Дьиэ-кэргэн-олох төрдө» диэн улуустааҕы уус-уран самодеятельность көрүү фестиваля буолла. Фестиваль выставка көрүүтүттэн саҕаланна. Нэһилиэк төрүччүтүн кэпсээтэ «Сыҥаах Бороҕоттор» кинигэ автора Алексеев С. С., дьиэ-кэргэн өбүгэттэн илдьэ кэлбит сыаналаах малын көрүү түһүмэххэ эһэлэрин ыскаабын туһунан сырдаттылар олохтоох музей салайааччыта Сокольникова А. С., Васильева Р. Ф, сиэнинээн Алгыстыын уонна Алексеева А. Ф. уола Сергейдыын. Ааҕар дьиэ-кэргэн түһүмэххэ кыттыннылар элбэх оҕолоох Мальцевтар дьиэ-кэргэн. Элбэх оҕолоох дьиэ-кэргэн түһүмэххэ 10 сылга диэри олорбут дьиэ-кэргэн Екатерина, Николай Копыриннар, 25 сылтан үөһэ олорбут дьиэ-кэргэн Мария, Михаил Васильевтары сырдатта кыыстара Парникова А. М., 25 сылга диэри олорбут дьиэ-кэргэн Татьяна, Владимир Алексеевтар. Тумул орто оскуолатын, «Тумулчаана» оҕо саадын, олохтоох библиотека, «Түмсүү» сынньалаҥ киин иһинэн үлэлиир оҕо дьарыктаах буоларыгар аналлаах куруһуоктары кэпсээтилэр тэрилтэ, куруһуок салайааччылара. Быыстапканы сыаналаатылар улуус түмэлин методиһа Прятезникова О. А., кииннээммит библиотечнай ситим специалиһа Сергеева М. А. Быыстапка кэнниттэн уус-уран самодеятельность кыттыылаахтарын күүһүнэн театрализованнай концерт көрүүтэ буолла. Дьүүллүүр сүбэ састаабыгар үлэлээтилэр Стручкова С.М-председатель, культура управлениятын начальнигын солбуйааччы, Сивцева М.З культура ветерана, Бурцев А. Н. КММ отдел сэбиэдиссэйэ. Кэнсиэр түмүгүнэн 7 нүөмэр лауреат үрдүк аатын сүктэ, ол курдук: Елена, Иван Ивановтар дуэтнай үҥкүү, «Саргыбыт сайыннын» хор, «Туйма» эр дьон ансаамбыла, Габышевтар, Прудецкайдар, Протопоповтар дьиэ-кэргэттэр буккаас ансаамбыла, Черкашиннар, Мальцевтар, Алексеевтар, Петуховтар дьиэ-кэргэттэр литературнай монтаж, Марсен Протопопов солота, «Үлэҕэ уһуйуу» үҥкүү, «Дьиэрэҥкэй» үҥкүү бөлөҕө, маны таһынан Мальцевтар дьиэ-кэргэн «Бастыҥ ааҕар дьиэ-кэргэн» аатын сүктүлэр. Уопсай түмүккэ быыстапкаҕа 4,9 баалы, кэнсиэргэ 12,0 балы ылан улууска 3 миэстэни ылары ситистибит. Фестивальга уопсайа 94 нэһилиэк олохтоохторо кыттыыны ыллылар.
