Муус устар 17 күнүгэр нэһилиэкпитигэр кыыдааннаах кыһыны атааран, сандал сааһы көрүстүбүт. Тэрээһиҥҥэ Бороҕон нэһилиэгин солбуйар баһылыга Протопопов М. С. бырааһынньыктааҕы эҕэрдэтэ, ырыа-тойук, түөлбэ олохтоохторо атыы-тутуу, хорчуопка тэрилиннэ. Ону таһынан олохтоох дьаһалта көҕүлээһининэн булчуттар күрэхтэрэ ыытылынна. Күрэххэ 4 хамаанда кыттыыны ылла, 5 түһүмэххэ илин-кэлин түһүстүлэр. Уопсай түмүккэ 1 миэстэни ЖКХ «Бэргэн» хамаандата, 2 миэстэни олохтоох дьаһалта хамаандата, 3 миэстэни Тумул орто оскуолатын хамаандата, 4 м ЖКХ хамаандата ылары ситистилэр. Кыайыылаахтарга, кыттыбыт хамаандаларга олохтоох дьаһалта аҕа баһылыга Алексеев В. П., кадровай булчут Петухов П. Д. оҕолоро, сиэннэрэ, кадровай булчут Петухов Д. Д., оҕолоро сиэннэрэ, охотовед Барахсин Н. М., Уус-Алдан улууһун депутата, биир дойдулаахпыт Копырин К. М., «Түмсүү»сынньалаҥ киинэ, кадровай булчут Новоприезжий У. М. уола Новоприезжий В. У. олохтообут сыаналаах бириистэринэн, грамотанан наҕараадаланнылар, түмүккэ өйдөбүнньүк хаартыскаҕа түстүлэр.
