Алтынньы ый 10 күнүгэр Элэһин учаастагар Россияҕа Сомоҕолоһуу, Саха Сиригэр Культура сылынан уонна Аҕам саастаахтар декадаларын чэрчитинэн Элэһин, Арыы-Тиит уус-уран салайааччылара көҕүлээһиннэринэн Элэһин кулуубун дьиэтигэр «Кулууп уота ыҥырар» быйылгы сезон аһыллыытын тэрийдилэр. Дьоро күн бэрт сэргэхтик ааста, бу күн ыллаан-туойан, үҥкүүлээн-битийэн, оонньоон-көрүлээн нэһилиэк олохтоохторун сэргэхситтилэр. Олохтоохтор, Арыы-Тииттэн кэлбит ыалдьыттар остуол тула олорон ирэ-хоро кэпсэтэн санаа атастастылар, араас оонньууга кыттан илии тутуурдаах, өттүк харалаах, үөрүү-көтүү үктэллээх тарҕастылар. Инникитин Элэһиттэр Арыы-Тииттэргэ баран культуурунай тэрээһин ыытарга сөбүлэҥ түһэристилэр.
