Алтынны 5 күнүгэр Бороҕон нэһилиэгэр «Күүспүт-сомоҕолоһууга, кэскилбит-Уһуйааччыга, Учууталга!» учуутал күнүгэр уонна Арассыыйаҕа норуоттар сомоҕолоһууларыгар аналлаах тэрээһин ыытылынна. Бырааһынныкка В.М. Прокопьев аатынан орто оскуола учууталлара, ветеран учууталлара, Арыы-тиит учаастагын оскуола-уһуйаан учууталлара, иитээччилэрэ уонна «Тумулчаана» о5о уһуйаанын иитээччилэрэ кыттыыны ыллылар. Оскуола салайааччыта Петров Е.Д. учууталларга бырааһынныгынан эҕэрдэлээн махтал суруктары, Аввакумова Л.М. оскуола профсоюһун бэрэссэдээтэлэ, урукку кэмнэ үлэлээн ааспыт ветеран учууталларга, оҕо уһуйаанын иитээччилэригэр, сана кэлбит учууталларга э5эрдэ суруктары, сэмэй бэлэхтэри үөрүүлээх быһыыга-майгыга туттардылар. Тэрээһини «Түмсүү» норуот айымнытын киинин үлэһиттэрэ иилээн-са5алаан ыыттылар. Кулууп специалистара Лена Заровняева, Ион Соловьев, Андоей Макаров ылбаҕай ырыанан, сэргэх оонньууларынан бырааһынньыгы киэргэттилэр. Эдэр көлүөнэни иитэр-такайар, кэрэҕэ-үтүөҕэ уһуйар күндү учууталларбыт уонна уһуйааччыларбыт бэйэ-бэйэлэрин көрсөн, биир сомоҕо буолан дуоһуйа сынньаннылар, сыралаах үлэттэн арыый уоскуйан, күлэн-үөрэн, үҥкүүлээн эньиэргийэ ылан тарҕастылар.
