Балаҕан ыйын 25 күнүгэр «Кыайыы түһүлгэтэ» болуоссакка «Күһүҥҥү киһи күлбүтүнэн» нэһилиэк оҕуруот аһын үүннэрээччилэрин күһүҥҥү дьаарбаҥката тэрилиннэ. Дьаарбаҥка үөрүүлээх аһыллыытыгар Бороҕон нэһилиэгин аҕа баһылыга В. П. Алексеев, тыа хаһаайыстыбатын специалиһа Л. С. Егоров нэһилиэгин дьонун эҕэрдэлээтилэр. Дьаарбаҥка кэмигэр биирдиилээн оҕуруот олордооччуларга «Өлгөм үүнүүлээх оҕуруот» саамай элбэх араас оҕуруот аһын үүнэрээччилэргэ күрэх тэрилиннэ. Күрэххэ 1 миэстэни ылары ситистэ оҕуруотунан утумнаахтык дьарыктанар Наталья, Николай Тютриннар дьиэ-кэргэн, 2 миэстэни ыллылар нэһилиэк киэн туттар оҕуруоччуттара Ирина, Петр Черкашиннар дьиэ- кэргэн, 3 миэстэни ыллылар хаппыыста үүннэриитинэн дьарыктанар Лидия, Иван Барашковтар дьиэ-кэргэн. Маны таһынан «Саамай, саамай улахан…» күрэх хортуоска, хаппыыста, кабачок, моркуоп, свекла, помидор, о5урсу көрүҥнэригэр ыытылынна уонна «Дьикти быһыылаах оҕуруот аһа» күрэх тыҥааһыннаахтык ааһан, кыайыылаахтар быһаарылыннылар. «Күһүҥҥү фантазия» айылҕа материалын туттан кэрэ көстүүлээх сэлээппэ курэҕэ ыытыллан 1 миэстэни ылла Н. Ф. Тютрина, 2 миэстэни ылла И. И. Черкашина, 3 миэстэни ыллылар Ф. С. Габышева, А. Ф. Алексеева. Выставка-дьаарбаҥкаҕа ырыа-тойук ылланна, нэһилиэкпитигэр оҕуруотунан дьарыктанан олорооччулар олохтоохторго оҕуруот үүннэриитигэр сүбэ-ама биэрдилэр. Түмүккэ көрүҥ аайы кыайыылаахтарга Бороҕон нэһилиэгин дьаһалтата олохтообут бириистэрэ, грамоталар туттарылыннылар, өйдөбүнньүк хаартыскаҕа түстүбүт.
