Балаҕан ыйын 14 күнүгэр «Доҕордоһуу» түмэлигэр Д. К. Сивцев-Суорун Омоллоон төрөөбүт күнүгэр » Суорун күнэ» уонна түмэл тэрийээччитигэр Р. Р. Кулаковскаяҕа аналлаах выставка аһыллыытын тэрээһинэ ыытылынна. Торжественнай чааска «Доҕордоһуу» түмэлин директора Новоприезжая Н. Я. кэлбит ыалдьыттары эҕэрдэлээтэ. Тэрээһин аьыллыытыгар «Түмсүү» сынньалаҥ киин үлэһиттэрэ, «Туйма» эр дьон ансаамбыла музыкальнай эҕэрдэлэри бэлэхтээтилэр. Тэрээһиҥҥэ Саха театрын артыыстара, Щепкин аатынан Москватааҕы студияны бутэрэн кэлбит эдэр артыыстар «Тиэтэйбит» Н. Неустроев испиктээкилиттэн быһа тардыыны, «Манчаары» — Күлүмнүүр, » Лоокуут уонна Ньургуһун» — Т. Сметанин, » Наара Суох» — И. Гоголев уо. д. а. драмалартан быһа тардыылары көрдөрдүлэр, дьон болҕомтотун ыллылар. Тэрээһиҥҥэ Д. К. Сивцев олорбут дьиэтин, Р. Р. Кулаковская балаҕаныгар быыстапка арыллыыта буолла. Түмүккэ артыыстары кытта өйдөбүнньүк уопсай хаартыска5а түһүү, » Доҕордоһуу» оһуокайа ыытылынна. Тэрээһиҥҥэ кыттыыны ыллылар нэһилиэкпит а5а баьылыга Алексеев Василий Петрович., оскуола директора Копырин К. М, музей салайааччыта Сокольникова А. С., 10-11 кылаас уерэнээччилэрэ, эдэр учууталлар, «Түмсүү» сынньалаҥ киинин улэһиттэрэ, библиотека сал. Прудецкая С. А., музей ветеран улэһитэ Барашков М. Г. «Доҕордоһуу» түмэлин үлэһиттэрэ сахалыы сиэринэн арыылаах алаадьынан, саламаатынан, собо, буотарах миининэн күндүлээтилэр.
