Тохсунньу 7 күнүгэр «Түмсүү» сынньалаҥ киинигэр «Ороһуоспа дьоро киэһэтэ» театрализованнай кэнсиэр тэрилиннэ. Кыттыыны ыллылар: «Айыллан» норуот тыйаатырын артыыстара, Тумул орто оскуолатын үөрэнээччилэрин «Алаас Сити» КВН хамаандата, «Күндээр» үҥкүүһүттэр бөлөхтөрө, «Сэһэн Сиэннэрэ» ыччат түмсүүтэ. Бырааһынньыктааҕы киэһэҕэ ырыа-тойук, көрөөччүлэргэ анаан көрдөөх оонньуулар бэрт көхтөөхтүк ыытылыннылар. Саҥа тэриллибит оскуола «Алаас-Сити» КВН уолаттарын бөлөҕүн каникул кэмигэр бэйэбит уолбут, АГИКиИ 3 курсун устудьуона Айтал Егоров тэрийэн, көҕүлээн, дьарыктаан оҕолору бастакыларын улахан сыанаҕа таһааран олохтоохтор биһирэбиллэрин ыллылар. Кэнсиэргэ ыалдьыттаата, ырыаларын бэлэхтээтэ бэйэбит ыччаппыт культура үлэһитэ Василий Копырин. Саҥа талааннарбыт саҥа туруорууларынан өссө да көрөөччүлэри үөрдэ-көтүтэ турдуннар.
