Тохсунньу 14 күнүгэр «Түмсүү» с/к Эргэ Саҥа Дьылы көрсө нэһилиэк түөлбэлэрин икки ардыларыгар театрализованнай дьүһүйүүлэри көрдөрүүгэ күрэх тэрилиннэ. Ол курдук «Дьулуур» түөлбэ сал. Капитонова Н. П. «Түүн музейга», «Эрэл» түөлбэ депутат Барашков И. И. «Император Су Саҥа Дьыллааҕы түбүктэрэ», «Үрдэл» түөлбэ сал. Барашкова Т. И. «Таал-таал эмээхсин мүччүргэннээх сырыылара» дьүһүйүүлэри туруоран көрөөччү дьүүлүгэр таһаардылар. Көрүү түмүгүнэн 1 миэстэни ылла «Эрэл» түөлбэ, 2 миэстэни ыллылар «Дьулуур», «Үрдэл» түөлбэлэр уонна олохтоох дьаһалта олохтообут анал бириистэринэн, грамотанан наҕараадаланнылар.
