Тохсунньу ый 27 күнүгэр «Түмсүү» сынньалаҥ киинигэр Тумул орто оскуолатыгар 1974-1989 с.с. французскай тыл учууталынан , иитэр үлэҕэ директоры солбуйааччынан үлэлээбит, бэйэни салайыныыга киэҥ хабааннаах үлэни сүрүннээбит Педагогическай үлэ ветерана , РСФСР үөрэҕириитин туйгуна, СР ыччат политикатын туйгуна, Уус-Алдан социальнай-экономическай сайдыытыгар кылаатын иһин, Уус-Алдан үөрэҕириитин сайдыытыгар кылаатын иһин бэлиэлэр кавалердара, Бороҕон нэһилиэгин Бочуоттаах олохтооҕо Аммосова Елена Петровна сыралаах, таһаарыылаах үлэтин сыаналаан «Оҕоҕо итэҕэл-кинини арыйар күлүүс» диэн Елена Петровна Аммосова юбилейдаах сааһыгар, «Учуутал-Наставник» сылыгар анаан, үөрэппит махталлаах үөрэнээччилэрэ хомуйан таһаарбыт ахтыы кинигэ презентацията үрдүк таһымҥа ыытылынна. Бу күн араас сылларга үөрэммит выспускниктар үөрүүлээх түгэҥҥэ муһуннулар. Биэчэри иилээн-саҕалаан ыыттылар үөрэппит үөрэнээччитэ Яковлева АА, олохтоох библиотекарь Прудецкая СА. Эҕэрдэ тылынан махтанна олохтоох дьаһалта баьылыга Алексеев ВП уонна үөрэммит учууталыгар Елена Петровнаҕа «СР Үөрэҕирии систематын Бочуоттаах ветерана» диэн бэлиэнэн үөрүүлээх быһыыга-майгыга наҕараада туттарда. Елена Петровна араас сылларга үөрэппит оҕолоро эҕэрдэ, махтал тыллара, музыкальнай номердара, «Романтика» агитбригада оҕолорун эҕэрдэлэрэ биэчэри киэргэттилэр. Кулууп фойетыгар библиотекардар Прудецкая С.А, Стрекаловская С.И Тумул орто оскуолатын араас кэминээ5и сылларын сырдатар уонна Елена Петровна үлэтин кэпсиир улахан выставканы туруордулар. Онтон салгыы бырааһынньыктааҕы төгүрүк остуол тула олорон ааспыты ахтан, инникини кэрэһэлээн санаа атастаһан, уопсай хаартыскаҕа түһүүнэн түмүктэннэ.
