Бэс ыйын 28 күнүгэр «Түмсүү» с/к «Чаххааһын биэлсэр» уонна «Копырина Ксения Васильевна» автор, төрөппүт кыыстара, Өктөмнөөҕү народнай театр режиссера, Саха Республикатын культуратын туйгуна, 30-н тахса кинигэ автора Зоя Егоровна Аржакова төрөппүттэригэр анаан таһаарбыт ахтыы кинигэлэрин сүрэхтэниитэ буолла. Черкашиннар аймах дьиэ кэргэттэринээн культураҕа сыһыаннаах дьон буолан ыллаан-туойан, үҥкүүлээн уонна Тимофей Сметанин «Лоокуут уонна НьургуҺун»-диэн лирическай драматтан быһа тардан көрдөрдүлэр. Ийэлээх-аҕаларын ытыктаан, сырдык ааттарын үйэтитэн кинигэ таһаарбыттарыгар нэһилиэк дьоно үөрэн-көтөн туран санааларын үллэһиннилэр, урукку кэмнэри ахтан-санаан аастылар, эҕэрдэ тылларын эттилэр, өйдөбүнньүк бэлэхтэри туттардылар олохтоох дьаьалта а5а баьылыга Алексеев В.П., балыыьа коллективын аатыттан Барахсина М.З., үөлээннээхтэрэ Сокольникова А.С, Алексеева А.Ф, Габышева М.А, Павлова Н.П. Кэнчээри ыччаттарыгар, инники көлүөнэлэригэр анаан, төрөппүттэрин ааттарын ааттатан ахтыы кинигэни таһаарбыттара кэрэхсэбиллээх суол. Тэрээьини иилээн-саҕалаан ыытта олохтоох библиотека сэбиэдиссэйэ Прудецкая Светлана Александровна. Зоя Егоровна олохтоох библиотека5а анаан уонна ахтыы суруйбут биир дойдулаахтарыгар махтанан кинигэлэри бэлэх уунна. Биэчэр уопсай хаартыскаҕа түһүүнэн түмүктэннэ.
